Sondazhet paraprake franceze, tregojnë se në raundin e dytë të zgjedhjeve shkojnë Emmanuel Macron dhe Marin Le Pen.
Presidenti aktual përllogaritet se ka marrë 28.1% të votave, ndërkohë që rivalja e tij Marine Le Pen ka marrë 23.3% të votave.
Sondazhe të ndryshme kanë shifra paksa të ndryshme, por të gjitha ato tregojnë qartazi se presidenti aktual Emmanuel Macron dhe liderja e ekstremit të djathtë Marine Le Pen janë ata që kanë kaluar në raundin e dytë të zgjedhjeve, siç ishte parashikuar gjerësisht dhe nga sondazhet e zhvilluara gjatë fushatës elektorale. Kjo do të thotë se raundi i dytë është midis dy kandidatëve do të jetë i njëjtë si në zgjedhjet e fundit presidenciale të vitit 2017.
Në vendin e tretë renditet kandidati i së majtës, Jean-Luc Mélenchon, i cili ka marrë rreth 20% të votave.
Në vitin 2017, Macron mundi Le Pen me një “rrëshqitje dheu” për t’u bërë presidenti më i ri modern i Francës. Kjo fitore për ish-bankierin – tani 44 – u pa si një fitore kundër politikës populiste, nacionaliste, që erdhi pas zgjedhjes së Donald Trump në Shtëpinë e Bardhë dhe votimit të Britanisë për t’u larguar nga Bashkimi Evropian, të dyja në vitin 2016./ APNEWS, përshtati Gazeta Shqiptare
